بعض من الماضى
1
ترددت كثيرا .... أكتب ولا مااكتبش ....اقول إللى جوايا ولا افضل سجناه جوايا زى ماعودت نفسى ....اصل صعب فى الزمن ده إنك تلاقى إللى يسمعلك ....والأهم أنه يسمع بإهتمام مش مجرد أداء واجب وخلاص ... وأهم من ده وده إنك تكون واثق فى إللى بتحكيله
طبعا مافيش أأمن من الهواء ... الفضاء ...تقول كل إللى جواك من غير ماحد يعرفك ولا يحكى عنك ولا يجيب سيرتك
وعلشان كدا قررت احكى هنا وأأقول كل الى جوايا وماسيجد
كنت زيى زى أى بنت من بنات الثمانينيات....بنت هادية ... طيبة ... رومانسية ... كان كل حلمها أنها تأخد شهادتها وتكمل دراسات
عليا وبجانب حلم الدراسة كان فى حلم تانى مشروع ....هو حلم الزواج من انسان يكون هو الحبيب والزوج وابو ولادى ...
كملت دراستى واتخرجت من كلية الأداب بتقدير جيد مرتفع وخرجت من الجامعة ايد فيها الشهادة وايد فيها الزوج كان هو الحبيب
كمان ...كان الرجل الأوحد فى حياتى إللى اختزنت كل مشاعرى له.
انتظرونى فى الجزء التانى
ليست هناك تعليقات:
إرسال تعليق