أخيرا قدرت اعمل المدونة
تعبت جدا على ماعرفت اعملها ....رغم أن خبرتى بعالم المدونات كبيرة جداا ...وليا مدونات كتبير على مواقع مختلفة بإسمى الحقيقى وكمان على بلوجر هنا ، ولكن المرة دى اصابنى الجهل لربما لحاله التوتر التى تسيطر عليا وانا بعمل المدونه
المهم انى فى النهايه I did it
وأخيرا اصبح لي مساحة حرة بعيده تماما عن أى واقع فعلى أستطيع فيها أن اعبر عنى بالطريقة التى لاتقهرنى .. هنا استطيع ان اصرخ ..استطيع ان ارفض اشجب أاقول اللى انا عاوزاه من غير ماحد يمنعنى
انا ماعملتش المدونه دى علشان تكون زى مدوناتى السابقة مدونات اشعار وخواطر وقصص ومقالات
لاا ا ....عملتها علشان يكون لها خصوصية خاصة جدا هى بإختصار شديدة مرايه لنفسى ولمشاعرى ولكل مايقهر داخلى من ..افكار أو مشاعر وأحاسيس سواء سلبية أو ايجابية
هى انا بكل مافيا
هى صرختى واحباطى واكتئابى... هى فرحى القليل جدا ر
هى لسانى ونبضى .. هى صورتى الحقيقية وصوتى المقهور . هى صوتى االمكتوم وأهاتى المخروسه
وهى كمان كل حالاتى النفسيه اللى بمر بيها ...
هنا سأكتب وأكتب كل يوم وكل لحظة احس فيها انى عاوزة اتكلم واصرخ وأواجه وماقدرش امارس ده فى الواقع ...
هاجرى هنا على مدونتى ..على مساحتى الحرة وأرضى الرحبه التى املكها لأعبر عن كل اللى جوايا
سأتحررهنا من كل القيود حتى قيود اللغة ..سأكتب ما توجهنى إليه اصابعى على الكيبورد وكما تنطلق الكلمات من داخلى ...لغة عربيه أو لغة عاميه لايهم كلام ساذجا أو كلاما عميقا لا يهم ...
لن افكر فى احدا وانا اكتب .لن افكر فى وقع كتاباتى على أحد .. كفانى تفكيرا بغيرى وكفانى إحساسا بالناس
هنا ساكون انانية اكتب عن نفسى وفقط
اكتب مأساتى ..أحباطى ...قهرى .حزنى الأبدى ...حياتى الضائعة
ليه فكرت انشر إللى جوايا ؟
فكرت فى السؤال ده كتير لكن الإجابة ماكنتش واضحة قدامى ...كان ممكن اكتب فى ورق واحتفظ بيه أو احتى امزقه وأرميه ... لكن يمكن أنا محتاجة يكون لى هيستورى .. محتاجة يكون لى ميمورز ارجعلها فى وقت ألـ الزهايمر ...محتاجة أترك لى أرث يرثه من يهمه أمرى .وهم نادرون ولكن الأهم أن يكون لى مساحة فضفضة كما لو كنت جالسة مع صديقة اثق بها او جالسة مع طبيبتى النفسيه ..
قد أكون موضع نقد لمن يقرأنى أو موضع سخرية أو ربما هجوم أو ربما شفقة
كل هذا لا يهمنى ولا يهمنى من يقرأنى لأننى قلتها هنا أن هذه المدونه لى ومن أجلى لأنها مدونة برايفت جداااااااااااا
